لوشوش
أصحابي في سطور الكتب و أحبارها
لرفقة
أحبابي في ريحة الورق و شيب صفارها
لعشرة
عناوينها
و
أخبار حكائينها
لزحمة
أحداثها
و ونس
ناسها
لعيون
الحروف المتكحلة خطوط و نقط
في
نقطة واحدة في نقطتين
و
الشدة فوق و التنوين مش فتحة واحدة
لأ
فتحتين فوق بعض محطوطين
لا
القرب نصيبهم و لا البعد ينفع
شريطين
قطر مترافقين العمر كله
بلا
لقا و لا بين
والكسرة
تشد الحرف لتحت
يجادلها
السكون سكوت مرسوم دايرة عين
عين
سحرية أزيح من قدامها ضفاير طفولتي و أتطلع
للحواديت
و حنية الجنية
و
الأمير اللي لف البلاد يدور
و
ست البنات المِستنيه
مستنيه
وحى يدله على طريق دارها
و
يحببه في ناسها و أصحابها و مشوارها
و
في محراب الكنية
تشقى
الطفلة تتشاقى تسأل و تلاحظ
اليمين
ليه يمين
و
الشمال ليه هو اللي بيتحفظ و يتلاحظ
الصفحة
مقسومة يا بنتي
و
يمينا مقسوم له اللي جوه القلب نصه
و
نصه التانى اللي تشوفه العين
و
الحوار شمالنا ايدينا اللي ما بناكلش بيها
بس
المولى خلقلنا ايدتين
يسندوا
مع بعض و يحملوا سوا الحدوتة
مرسومة
نوته أو مخطوطة
يظهروها
على الجبين
يشوفوها
الناس تعرفهم
و
يحفظوا كلامنا و كلامهم
و
يقاوموا نسيان الفكرة و أنات العمر و رحيل الحلم جنين
و
جنين حلمه أنا
طفل
عجوز مقدم ع الستين
لأ
يا قلمي اوعى
اتشعلق
في الحرف جامد
و
حط ضهرك في ضهر السطر حاميك و صامد
و
يا ورق ثبت اللحظة
و
مد ايدك ارفع عقارب الساعة
دقايق
و ثواني بتنبض
وأصداء
تكية و تراتيل أنين
متكربج
العمر بيجرى يلاحق _ متأخر _ رهبة الوحدة سوط
و
سوط لهفة السنين
استناني
مش عايزه أقابله أبويا بقلب ضنين
حنيني
ليه ملاحقنى
و
شرط اللقا واضح
كادحا
كدحا فملاقيه
و
في حوّر عيوني بتطل ملامحه
و
في ضحكة عالية
سماري
بيقولنى عاليا
صبرت
قلبي عنكم فأجبني
لا
صبر لي
لا
صبر لي
لا
اصبر
و
الصفحة مفطومة على إنها مقسومة
اللي
يسمعه القلب
تشوفه
العين
اكتبيها
يا بنية الحدوتة
قدرك
مخطوطة عارفاه
نص
دايرة في قلبها نقطة
و
السطر يسطر يسطرون
و
الكلمة ستر يستر يُتم عيونك
مرسُومالك
مكتُوبالك حرف مفرد على الجبين
ليست هناك تعليقات:
إرسال تعليق