في ساعات الليل
يوم تاني غير اليوم
و الليل مش ليل
امبارح
و لا جه لسه نهار
بُكره
دقت الساعة
إتناشر ....
الليل حكاوي ...
و الحكي غية
الليل رزق .... و
القسمة على قد النية
الليل سهر
عاشق... و نجم يطول
الليل خيال كاتب
... و فكرة قول
يقول :-
قال ليل طويـــل
و ليل مخطــوف
و ليل بيـخـوف .. و ليل بيموت من الخوف
و ليل متـلون .. و ليل زعلان
و ليل متونس .. و ليل للأحزان
و ليه داخل علينا ساكت ؟!
و ليه جيلنا فرحـان .. ؟!
الوان الليل مش
عتمة ..
ووشوش الليل مش
للعتمة ..
و ف ليل ماهوّش بُكره ..
و ف ليل مش امبارح ..
قرب و إسمع ....
حقق و شوف
الساعة دقت
إتناشر ...
و على المقيمين
خارجها ..
مُراعـاة فروق
الوشـوش .. ( ف ليل ... القاهرة ) .
ليست هناك تعليقات:
إرسال تعليق